نص مسرحية السكرة

بــــــــــــــــــــســـــــــــــــم الله الرحمن الرحيم

السلام عليكم ورحمة الله وبركاته

نص مسرحية قصيره من فصل واحد و عدة مشاهد من تأليفي اتمنى تنال على اعجابكم

الــوالــد:
طارق طارق يابوك وينك ؟؟؟
طـــــارق:
نعم يبا خير شفيك تصرخ جذي كاني.
الــوالــد:
أنت ماتسمعني يا ولدي بعد شلون تبيني اناديك ونت حاط هالغناوي بذنك 24 ساعه لا صلاة ولا ديانه ولا عماه عين ولحين جريب الفير يلا قوم صل يا ولدي انت وربعك وعيال خالك يلا يابوكم قومو.
الشباب:
نشالله عمي الحين قايمين
راشــــــد:
طارق قوم خل نصلي شفيك قاعد رديت الاغاني بذنك يا خوي
طـــــارق:
يا معود انت تدري فيني أني انا قوثك شفيك أنت رشود ليش هل سؤال يعني اله تبي ابوي يدري
راشــــــد:
استغفر الله العظيم يا طارق شهل كلام اذكر ربك وتعوذ من بليس وقوم خل نصلي بالله الحين توفيت شنو تسوي يا طارق شنو بتقول حق ربك لا يقصون عليك بهل كلام قوم يا خوي قوم
طـــــارق:
يووووو رشود لا تصيرلي مطوع على راسي بتروح روح انا بقعد اسمع اغاني وبعدين بقوم تدري أي حزه لمه تطلع الشمس على قرون شيطان
راشــــــد:
لا حوله ولا قوة إلا بالله أنت من كثر ماتقعد على الانترنت بروحك لا حسيب ولا رقيب و ابوك هل مسكين مايدري مدلعك ومدلك ونت منت صاين هل ثقه والله انا نصحتك ولحين بروح اصلي اشوفك نشالله بعد الصلاة او باجر يلا باي
طـــــارق:
فكنا يامعود زين باي ... والله لجنه بهل كلام موت ومادري شنو مايخلينا نستانس يحب الهم هل ولد خل اقعد ألعب عالاب توب وشوف فلم او اسمع لي غنية او اشوف الربع شنو اخر شي عندهم
( مــــوسيقى رعب وصوت يخوف ينادي طارق )
طـــــــــــــارق ...... طــــــــــــــــارق
( الخوف يظهر على طارق )
طـــــارق:
هااااا منو .... منو شسالفه .... هاااا آآآ آآآآ منو أنت منو
الـــغـــريـــب:
(لا يؤخر الله نفسا إذا جاء اجلها ) ... ( يا ايها النفس المطمئنه ارجعي إلى ربك راضية مرضية فدخلي في عبادي ودخلي جنتي )
طـــــارق:
آآآآآ ..... لا لا لا آآآآآآآآآآآآآآآآآآآآآآآآآآآآآ
الــوالــد:
لاحوله ولا قوة إلا بالله هذى للحين نايم مني طارق يا طارق يبا قوم روح دارك نام يا بوك طارق قوم يا وليدي قوم طارق .... طارق شفيك ماترد علي يا ولدي طارق طارق
طـــــارق:
هاااا لا لا معقوله ابوي مايشوفني لا شنو هل لبس الي علي .... ها هذى انا لا لا ياريتني صليت ياريتني سمعت كلامه
الــوالــد:
طا..... فــــهــــد الحقني يا بوك
فــــهـــد:
شفيك يبا خير عسى ماشر
الــوالــد:
فهد اخوك طارق
فــــهـــد:
طارق شفي يبا طارق طارق رد على ابوي ياطارق
الــوالــد:
ماكو فايده يا فهد خلاص ... طارق اخوك عطاك عمره
فــــهـــد:
هاااا ؟؟؟ لا يبا اكيد يتغشمر طارق قوم يا طارق قوم
طـــــارق:
فهد سامحني قول حق ابوي يسامحني يا فهد تفكى يا فهد تكفى يا فهد ... يبجي من تأنيب الضمير
الــوالــد:
فهد يا بوك دق على راشد رفيج طارق وبلغه وقوله بعد صلاه العصر بنغسله وندفنه نشالله
فــــهـــد:
نشالله يبا .. ألو راشد شلونك
راشــــــد:
هلا فهد بخير شفيك داق هالحزه في شي صاير
فــــهـــد:
ها.... والله مادري شقولك يا راشد بـس أنت ريال مؤمن راشد ترى طارق
راشــــــد:
خير طارق شفي فهد خرعتني قول
فــــهـــد:
والله بصراحه البقى براسك طارق عطاك عمره ودفان اليوم العصر
راشــــــد:
خير نشالله بكون موجود



الـــمــعــزين:
لا حوله ولا قوة إلا بالله إن لله وان إليه راجعون الله يكون بعونكم
الــوالــد:
اجرنه وجركم ما تقصرون
فــــهـــد:
يلا يا جماعه أذن العصر خل نروح نصلي ونرد نغسله وندفنه
الـــمــعــزين:
يلا خل نقوم نصلي يلا يا بو طارق
فــــهـــد:
راشد .... راشد قوم يا خوي خل نروح نصلي ما يصير جذي قاعد تبجي عليه من الصبح خلاص يا خوي أدعيلة بالرحمة أمش امش نصلي و ندعيلة بالرحمة
راشــــــد:
آآآآخ يا فهد بلاك ماتدري شنو أخر كلام دار بيني وبين طارق قبل صلاة الفجر أقوله قوم قوم خل نصلي مارضى بدى الكمبيوتر ولأغاني على الصلاة ومات وهو ....
فــــهـــد:
لا تكمل يا راشد لا يسمعك أبوي ترى بروحه نفسيته تعبانه عشان مات قبل لا يصلي وهل مره تبي تقوله الي محد يدري فيه غيري وغيرك والله لو درى أبوي راح يصير فيه شي امش خل نصلي أمش
( تطلع بروح طارق و يقرب صوب جسمه )
طـــــارق:
هذى أنت يا طارق امدد عند لمغيسل وشنو سويت حق أخرتك ولا شي عقيت والديك و عصيت ربك الي خلقك وعبدت الشيطان وصرت منهم هه ولحين شنو استفت رديت حق ربك رديت مثل ما أنولدت طلعت على هل دنيا شايلينك على ايدهم بالمهاد وفرحانين فيك ولحين طلعت من هالدنيا وشايلينك بيدهم ولكن على كفن وحزينين ونت كلك اثام وذنوب ولعذاب ناطرك ما سمعت كلام ابوي ولا صليت ولا ذكرت الله بشي غرتك الدنيا وتكبرت لو مصلي صلاة الفجر اخر يوم بعمرك عالاقل وسامع كلام أبوك وراشد جان عالاقل مت ونت بذمة ربك ويمكن يغفر لك ويرحمك لكن ماسويت ولا شي ولا شي ولحين كلها دقايق ويردون يغسلونك وبكفنونك ويدفنونك بقبرك هل حفره الظيجه الي محد نجى من ضمتها....ما يفيدك هل كلام يا طارق خلاص فات الاوان ولحساب ياي بالطريج شنو بترد وشنو بتقول لمه تنسأل وبيصلون عليك على انك مسلم و مايدرون انك من الهاوين الي بجهنم خالدين ولا لهم منها طلعه ما يدرون انك مشيت ورا الشيطان و ضعت يا طارق ضعت خلاص.
الــــقــــريــن:
طارق .... طارق هاهاها شلونك يا طارق بعد ماشفت روحك امدد على طاوله المغيسل
طـــــارق:
ها منو أنت وشلون تعرفني وشنو تبي مني؟
الــــقــــريــن:
أنا منك وفيك جزء منك انا شي أنت سويته بيدك ... انا عملك عملك الاسود الي بنيته بسرعة البرق يا طارق ولا تقدر تتخلص مني شوف شوف هل جزء الصغير الأبيض هذى عملك الأبيض الصالح شوف شلون يحاول يسحبك مني لكن مايقدر لان انا الاقوى وأنا الاكبر سلمتني روحك مشيت ورا الشيطان انا قرينك الي كان يوس وسلك ونت تمشي ورا ماتقدر تنكرني ولا تتبرى مني لو مهمى سويت وتكلمت وقلت وليوم جفت الاقلام وطويت الصحف اليوم اهو يوم الحساب يا طارق انا الي راح اكون وياك بقبرك أنت الي خترتني بدال عملك الصالح ولحسن المظهر الي كان المفروض يكون ونيسك بالقبر وينور قبرك لكن أنت اخترتني أنا وحشتك بالقبر وزيده ظيج لك.
طـــــارق:
شالكلام الي تقوله مو معقول انا سويت جذي مو معقول يكون الذنب الي ارتكبته أنت
الــــقــــريــن:
ههههههههه .... لا تحاول تنكر يا طارق او تسوي روحك ناسي اذا ناسي صج اذكرك بكل غلطه وحرام سويته بكل معصيه ارتكبتها بيدك ولسانك تبي اذكرك ولا لا يا طارق
طـــــارق:
ماني فاهم انا ماسويت شي ماسويت شي أي ما سويت شي أنت السبب انا
بريئ
الــــقــــريــن:
شوف تاريخ حياتك عيل يا طارق شوف شلون كنت عاق في ابوك وجم مره حاول راشد يتلك للخير مني لكن كانوا اتباعي يسحبونك بسرعة البرق ولا حتى دخلت المسجد ولا تعرف الصلاة ومشيت ورا الشيطان ووراي كنت عبد مأمور الهيك عن الذكر وصلاه ونت كنت تسمع شوف شلون تعق ابوك وترد عليه بصوت عليه وتمد ايدك و تدز أبوك هذى اقل شي اقدر أوريك اياه من تاريخك الاسود شوف شلون تاريخك الابيض قليل مافي شي مره و حده من كبرت ابتسمت مع ابوك وبريته هذى جانبك الابيض القليل ولحين لازم اروح لان حان وقت غسيل جسمك بماي الدنيا و غسيل روحك في حميم جهنم
طـــــارق:
ها لا خلصت الصلاة يا ويلي من ربي يا ويلي الساعات صارت دقايق ودقايق بتصير لحظات لا يا ريتني كنت صالح يا ريتني كنت صالح
فــــهـــد:
يلا يبا خل يغسله لمغيسل ونكفنه وندفنه قبل لا يصير الظلام
الــوالــد:
مو هاين علي يا بوك مو هاين علي اغسل اخوك ودفنه ( بجيه ) أول ما طلع للدنيا كنت شايله على ايدي ىفرحان فيه و بولادته ولحين تبوني اغسله بيدي هذى و كفنه ودفنه ماني قادر ماني قادر
فــــهـــد:
يبا يا يبا اذكر الله وصل عالنبي هذى الي مكتوب وخل ندعيله بالرحمة ولميت ما تجوز عليه اله الرحمة يا يبا يلا قوم معاي اقعد عالكرسي و ريح روحك ونشالله بنغسله انا وراشد ولمغيسل وبنعطره و ندهنه وقبل لا نكفن بناديك تسلم عليه ارتاح يا يبا ارتاح
( تدخل الروح وما سكينه اثنين لا بسين اسود بسود ومعاهم القرين وبيده صطل من حميم جهنم )
راشــــــد:
فهد يلا خل نغسله ونعطره و نكفنه وندفنه يلا بسرعة
فــــهـــد:
يلا كاني ياي
( الروح تنام عالارض ولقرين يطالعها ويبتسم و يقول )
الــــقــــريــن:
هذى الوقت الي خايف منه و وصل يا طارق ولحين يبدون الغسيل بماي دافي وما يدرون انك بتغسل بحميم جهنم
( يبدون الغسيل و يبدي القرين بسكب حميم جهنم و روح تتعذب وتصرخ من الألم )
راشــــــد:
خلصنه غسيل عطوني الطيب ولكفن ... دير بالك يا فهد شوي شوي
الــــقــــريــن:
ههههههههه خايف يا مسكين نسوك بسرعة نسو تضحياتك لهم نسو كل شي سويته لهم خلاص أنت بنظرهم ميت وما يدرون لان مانكشف لهم الغطاء وشافوا الي أنت شايفه ورفع الغطاء عنك يا طارق وقمت تشوف كل شي ارتكبته وسويته بيدك لهم وعشانهم أخوك وعز ربعك أهم الي يغسلونك بيدهم وطيبونك ويدفنونك يا مسكين هذيل اعز اثنين على قلبك ووين باجي ربعك الي تبعتهم وين الي تبعت منهجهم وين الي دلوك على عبادة الشيطان و قالولك لو مت راح نرد نحيك كل هذى ما فادك يا طارق كل هذى نقلب ظدك وهم الحين تبروا منك يدورون غيرك ولمثل يقول الحي ابقى من الميت يا طارق و كاهم الحين جريب يكفنونك وبينادون ابوك يسلم عليك وذا كان راضي عليك زين على زين
( حزن من روح طارق وبجي وندم بحسره على ما فعلت )
راشــــــد:
عمي ماتبي تسلم عليه قبل لا نكفنه ونربطه
الــوالــد:
شلون ماني ياي يا ولدي كاني ياي بسلم على اصغر عيالي اخر يوم ولحظه ودقيقه اشوف ويها فيه ومسكه بلاكم ماتدرون شكثر احبه و مسامحه على كل شي سواه كل شي
طـــــارق:
بجي وندم انا الغلطان انا الغلطان ليش سويت جذي ليش
( يسلم عليه ويبجي ويكفنونه ويشلونه على الخشب ويصلون عليه ويودونه للقبر عشان يدفنونه ويشوف كلب اسود كبير على جثته و يقول )
طـــــارق:
شنو هذى نزلو هالجلب الي علي نزلو
الــــقــــريــن:
مايقدرون يشوفونه يا طارق هذى عملك ومحد يشوفه غيرك لان اليوم كشف عنك الغطاء و تشوف كل شي ولحين حان وقت العذاب
( يحذف سلسله على الروح ويسحبها داخل )
طـــــارق:
آآآ لا لا لا سامحني يارب سامحني يارب لااااااااا
( يقوم من النوم فجأه وهو يصرخ )
طـــــارق:
آآآ آآآ لا لا لا .... ها حلم حمد لله حمد لله أن حلم أحمدك يارب
فــــهـــد:
طارق شفيك تصرخ شفيك نقزتني من النوم فيك شي يا خوي
طـــــارق:
ها فهد فهد الحمد لله سامحني يا فهد سامحني على كل شي سويته فيك يا خوي تكفى سامحني
فــــهـــد:
طويرق شفيك ينيت على شنو أسامحك بـس أنت اخوي الي مالي غيرك افا عليك بس مسموح يا خوي مسموح
طـــــارق:
وين ابوي زين ابي يسامحني ابي اتسامح منه بكل شوي سويته فيه
فــــهـــد:
نعم معقوله انت طارق اخوي ماني مصدق ابوي قاعد يتريق
طـــــارق:
يبا يبا وينك يبا
الــوالــد:
خير يا طارق شفيك تصرخ وتنادي كاني يا ولدي كاني
طـــــارق:
يبا سامحني على كل شي سامحني على كل شي
الــوالــد:
هااا ؟؟؟ مسموح يا وليدي مسموح يا حبيبي حمد لله احمدك يارب وشكرك على انك رديت لولدي عقله وهديته
فــــهـــد:
هووب هووب طارق قولي انت شفيك شلي غيرك ابي افهم حبه حبه
طـــــارق:
الحمد لله يا فهد اني تغيرت حلمت حلم يخرع حلمت اني ميت وكلكم حولي مو شايفيني وشفت عذابي جدام عيني يمكن كان تحذير لي وعرفت اهم شي ان ماكو اعظم من البر بالوالدين ونهم يكونون راضين عليك ولحمد لله ان ابوي راضي علي
الــوالــد:
الحمد لله انك عرفت هالشي ودام انك تغيرت انا راضي عليك طول عمري يا حبيبي

الــــــــــــــــنــــــــــــهـــــــــــــــــــايــــــــــــــه

قواك الله ادمن

الله يقويك حبيب قلبي بس ماعرفت رايك

ولله هذا القصه تخلي الي ما يصلي يصلي!!!
مشكور على القصه
وانت سويت إهداء للمعاند في الدين
وربي يهدي الجميع

تسلم حبيب قلبي على مرورك الحلو انا ماسويت شي عادي مجرد فكره وحيوار

احسك يا عشوق
ماخذها من فلم ملك الموت لان نفس الحوار

اي حبيبي انا مقتبس احداثها ومشاهدها على حسب طلب المدير للمدرسه قالي يبيها دينيه فا قتبستها من فلم ربي ارجعون على طلبهم