قصة الرعب الخيالية لعنة المنزل الجزء الأول

اذهب الى الأسفل

قصة الرعب الخيالية لعنة المنزل الجزء الأول

مُساهمة من طرف @DRAK@ في الإثنين يونيو 02, 2008 6:06 pm

بـــــــــــــــــــــــــســــــــــــــــم الله الرحمن الرحيم

بعد طول انتظار يبتلكم القصة بالمنتدى



لــــــــــــعـــــــــــــــنــــــــــــة المــــــــــنزل


رعب قوي جدا من وحي الخيال
الــــقــــصـــة:
تتكلم عن بيت حق إنسان ثري وعنده صديق دكتور لكن الدكتور عنده بلاوي محد يدري عنه ودكتور عنده مختبر صغير يستخدم فيه تجارب وكان يعرف سوالف السحر الأسود وهالبلاوي و رفيجه الغني كان كل بين فتره وفتره يسافر وقال حرام اخلي البيت جذي مهجور وقال بيخلي البروفسور يقعد فيه بين فتره وفتره ويله وينظفه , و ما صدق خبر ان رفيجة بيقعد أكثر من جم سنه برى يدرس ويسوي بحث بالخارج وراح البروفسور وقعد بالبيت و كان كل مره الدكتور يراسل البروفسور وفجأه نقطعت كل اخباره وحاول بكذى طريقة ان يحصله ماقدر فجأه وقف دراسته لمدة سنه ورجع الديره يبي يشوف شنو صار ورد البيت شافه فاضي يدور صاحبه مو محصله راح فوق الطابق الثاني لقى البروفسور ميت فوق ودم متصبب حوله ولقى الغرفه محترقه ولجثه متفحمه وبعد العزى قرر صاحب البيت يهجره ويخلي ويسافر برى وفجأه اختفى صاحب البيت قبل السفر بليله وحده , وبعد بحث طويل من المباحث وشرطة ولكن ماكو فايدة.
مــــــــــــــــرت 8 شـــهــــور على الحـــــادثــــة
قررت أحد الجهات المختصة في الظواهر الغريبة ان تكتشف سر البيت بعد ما اسمعوا عن الأشياء الي صارت في البيت ان ملعون وفي أصوات أصراخ وشياء غريبة في أحد يتحرك بالبيت وصوت بجي يهال وصراخ حريم , قررت الجهة المختصة ان ترسل مجموعه من الشباب الجدد و لمجتهدين وكانوا 6 أشخاص 3 صبيان و 3 بنات وكانوا متطوعين أهم وأعمارهم متقاربة , وزهبو كل احتياجاتهم من هدوم ومستلزمات يبونها.
وكانت رحلتهم بعد 3 أيام وكانوا متشوقين أنهم يروحون البيت بعد ماسمعوا لأشياء الي صارت فيه و لكن الشركة من الحرص ولخوف عليهم أمنت على أرواحهم ان اذا صارلهم شي يدفعون ديه حق أهلهم وكانت أسماء الشباب أحمد 22 سنه هواياته الخدع الفنيه ومهوس بالرعب ولخيال وكان أهو قائدهم وثاني محمد 22 سنه نفس الهوايات اخو حمد من أم ثانيه وثالث فهد وعمره 21 سنه وكان يحب سوالف الزار ورعب ولبنات مريم 19 سنه تحب الرعب ولخيال الزايد وصحفيه متطوعه وعقلها كبير وخيالي الثانية خلود 18 سنه تحب الخيال ورومانسية وفيها خوف قليل الثالثة أمل عمرها 20 سنه و كانت رومانسيه حيل وتخاف من الرعب وفيها خيال قليل.

بــــالــــــســـــيــــارة
أحـــمــد: ها شباب نشالله مو ناسين شي بس وتوهقونا .
مــحمــد: كل شي موجود يا خوي بـس تعال مو جنه قالولنا أن احنه 6 وين الباجي أحنه الحين ثلاث وين الباجي عيل.
فــــهـــد: لا بيون بـس شوف الي وراي وتعرف منو الثلاثة الي ويانا الثانين يا حلو انته
أحمد + محمد: هاااااااا بنات
مـريــم: عفوا عندك عتراض او شي مضايقك لا تشوفنه جذي ترى ننفع بكل شي لا تشوفنه بنات صغار عقولنا أكبر
أحـمـد: ها لا بـس؟؟؟!!!.
خلــود: لا بس ولا شي أخوي لا تعب روحك عندك شكوه قول للمدير العام
محمــد: اسفين بـس اخوي لان اول مره يدري ان في بنات يحبون سوالف الرعب ولخيال الزايد مسحيها بويهي
خلــود: لا عادي تسلم
المدير العام للرحلة: زاهبين كلكم شباب بنات كاملين الي راح يكون مسئولكم اهو أحمد ولي ختاره مجلس الادارة وتمنى انكم تردون سالمين كلكم.
أمـــل: أقول صج الي سمعناه على البيت ولا كلام فاضي.
أحمـد: شلون كلام فاضي يعني شنو سمعتي حددي.
أمـــل: سمعت ان من أول ماتظلم الدنيا تصير اشياء غريبه بالبيت و أصوات تطلع من البيت ومحد يدري وين صراخ حريم وريايل وبجي يهال وفي واحد لابـس اسود بسود وبيده فاس ويتمشى بالبيت يقولون أن حارس البيت , و هم سمعت أن مرات يسمعون صوت طيران وطبول وناس ترقص داخل وينانوه يطلعون.
فـــهــد: كووول وناسه طيران وطبول نياهاههاهاها.
أمـــل: ليش أنت مو خايف من الي سمعته ومستانس أنا بصراحه فيني خوف شوي و أنتو شنو رايكم بالي سمعتو.
أحمـد: أنا من ناحيتي حده روعه أحب الرعب ولخيال الزايد و بعدين مافي شي يخوف.
مـريــم: يا بطل انته مو خايف كلش تعجبني جرائتك وطموحك وخيالك يا البوس
أحمـد: كلامج طنازه ولا شنو مريم.
مـريــم: هههههههه لا أحمد سوري بس أحب أتغشمر هم انا مثلك احب السوالف هذي يعني في شي متعادلين فيه ونتو يالي ساكتين خلود محمد شنو رايكم بالكلام.
محمــد: ولله انا مثل أخوي أحمد احب لخيال الزايد ومتشوق حدي للبيت بس انا سمعت شي زيادة أن الصبح البيت يكون شكله حلو ويجذب الناس ومن يصير الليل يتغير شكله ويختفي عن الانظار او يكون شكله مهجور من سنين وصبح حلو ومرتب وجنه في ناس عايشين فيه
خلــود: هههههه انا ماني مصدقه الكلام الي تقولونه كله اله لمه أتأكد بعيني جنه فلم رعب بنصور مو رايحين رحلة استكشاف ... بس الي عرفته أن صاحب البيت أختفه شنو تفسيركم له بعد يا خيالين.
فـــهــد: أنا سمعت اشاعه تقول ان نقلت في بيته و محد لقه جثته وناس تقول سافر بس ماندري ايهو الصج للحين
خلــود: خيالي وايد فهد اله ماقلتي جم عمرك
فـــهــد: أنا 21 سنه اصغر من محمد و أحمد ونتي جم عمرج
خلــود: انا 18 سنه ومريومه و امول جم عمركم
مـريــم: انا 19 سنه
أمـــل: انا 20 سنه
خلــود: يعني انا اصغركم احم احم وناسه ههههههه ونتو أحمد ومحمد جم
محمــد: أحنه الله يسلمج كبر بعض 22 سنه يعني احنه الشياب بينكم ههههههههه
فـــهــد: يا جماعه شوفو البيت هذى مهجوور
مـريــم: هاااا هذى جنه بيت ملك من بره اينن ياريت بيتنا جذي
أحمـد: يا حبيبي شنو هذى شكله صج الي قالوه عيل بتقزر
( نزلو من السيارة وقربوا من البيت يشوفونه ويفحصونه من برى )
أحمـد: هذى وين مهجور هذى توه يديد مبني جيكو عدل
مـريــم: أي ولله عدل كلامك هذى جنه توهم مسوينه ولأثاث يديد خل ندش يا جماعه يلا
خلــود: يلا ندش ليش لا ... امل شفيج
أمـــل: ها لا ولا شي بـس مرتبكه شويه مادري ليش
( راحو عند الباب عشان يدخلون ولا يطلع شخص لابس اسود يطل عليهم)
داخــــل الـــــمــــــنــــزل
محمــد: اووووه هذى قصر ولا جنه ولا شنو روعه حيل البيت
خلــود: وااااو عدل كلامك محمد الاثاث حلو وينن شوف حتى المطبخ ولبيبان جذابين وين بيت مهجور ... مريووومه اموول وين رايحين بنات نطروني بيي وياكم فوق .. شباب بظلون تحت
أحمـد: أي نبي نسكتشف البيت من تحت ولحديقة ونزل الاغراض انتوا شوفوا الغرف وتفقدوها البيت في سر مايصير كل هل ايام وللحينه جنه يديد ومافي اثار لا دم ولا شي شلون يقولون ان صارت فيه جرايم قتل وهو نظيف يلق جنه احد مغسله ومنظفه شنو رايكم شباب؟.
فـــهــد: عدل كلامك أحمد انا بروح برى اتفقد الحديقه و محمد نزل الاغراض وياك .. أحمد شوف الحديقه نظيفه وزرع فيها اخضر معقولة منو كان يسقيها شرايك نشوف الماي بالمطبخ مو معقوله يكون للحين عادي مو مصدي ... ها شقلت نروح نشوف.
أحمـد: يلا نروح شورانا ...... طالع المطبخ نظيف ماصدق ان هالبيت مهجور فهد مو معقوله شوف الكهربه موصله طبيعيه ويديده وقويه وثلاجه متروسه اكل وماي وكل شي ... جنه في احد يدري.
( تلفون أحمد يرن ... الشركة داقين عليه )
أحمـد: الو .. هلا استاذي.
المدير العام: هلا شباب وصلتوا البيت بسلامه.
أحمـد: أي بس البيت منظف وجنه يديد مافي شي
المدير العام: أي ادري احنه نظفناه قبل لا تيون وترسناه لكم كل شي تبونه واثاث زين عشان ترتاحون.
أحمـد: اها مشكورين تعبتو روحكم وايد ترى ماله داعي يعني كل هذى محنه مطولين بالكثير سبوع ونرجع لكم.
المدير العام: هههههه شدعوه أحمد لازم نريحكم كلكم شلون تبون عيل تكتبولنا التقرير ترى حاطيلكم كاميرات فيديو عشان تصورولنه كل شي غريب يصير وياكم بس ديرو بالكم بالليل لان يمكن تنقطع حرارت التيلفونات هذى الي نعرفه وعندكم ليتات يديوه بكل مكان تبونه
أحمـد: نشالله خير مشكورين ولحين احنه قاعدين نسوي كل شي وقاعدين نتفقد كل شي بـس بسألك لمه يتو الحديقه كانت خضره؟.
المدير العام: هااا؟؟ أي حديقه تتكلم عنها ماكان في زرع ولا شي لمه احنه نفظنه البيت لكم ... من وين طلعت الحديقه الي تتكلم عنها
أحمـد: من وين اصور وين كاميراتكم ما شوف ولا شي
المدير العام: تلقاهم يمك على الطاوله بالصالة دورهم عدل دي جتال واضحين سينمائين
أحمـد: لحظه خلني اشوف وين الحين رايح الصاله انا وبشوف مداه جم باقي ويصير الليل الحين شنو العصر ولا الظهر الساعة عندنه ما تشتغل محنه عارفين الوقت شنو.
المدير العام: الحين الساعة 12 ونص الظهر بـس شلون .................
أحمـد: الو الو .... الووووو
فـــهــد: شفيك أحمد مايرد ولا شنو .... أحمد.
أحمـد: انقطع الأتصال مادري ليش أنطر خل أجرب ادق عليه يمكن يرن ونعرف شنو قال بعدها.
فـــهــد: دق شوف يلا ... يلا حجي شفيك .. ها شصار تكلم احمدو
أحمـد: يقول لا توجد تغطيه من الشبكه مادري شفي ... طفى التيلفون شسالفه ولله مادري شفي
فـــهــد: هااا انا بروح بره الحديقه بصور وبشوف حمود اخوك وينه
( بـــــالـــــخــــــــــارج )
فـــهــد: هوب هوب حجي ركز ههههههههههههه بغيت تشيل ويهي بالجنطه .. خالي ركز ويهي حمود
محمــد: ههههههههه شدراني انك وراي يا أخي أقول شوف الحديقة حلوه ها فاكهتها حلوه شرايك تاخذ لنا شوي حبيب قلبي فهيد.
فـــهــد: ههههههه همك بطنك بطيني ولبلشه ماتمتن .... يلا يبا نروح ناخذ لنا شويه انت دش داخل حق الشباب يبونك وشوف البنات مادري وينهم صعدوا وماندري شفيهم ما سمعنه حس لهم كلش.
محمــد: شكلهم تذابحوا او يتهاوشون على الغرف هذي سوالفهم ههههههههههههه .... يلا يبا الحين ادش لهم ونته شنو بتسوي حجي وين رايح؟؟.
فـــهــد: ولله رايح الحديقة بستكشف و أحمد أخوك داخل قاعد يستكشف البيت ولبنات فوق يلا خل اروح ونت دش داخل
( يـــــطل واحد لابس اسود عليهم من فوق و يلمحه محمد )
محمــد: ها؟؟؟ هذى منو الي بالبيت يطل يمكن وحده من البنات او شي .... خل ادخل داخل حق أحمد ولبنات ...... ها بوشهيب وين البنات مالهم حس.
أحمـد: ولله ما................
( صــــــــــرخـــــة قـــــــــــوية مــــــرعبه من الدور الثاني )
شنو هذى ليكون البنات صار فيهم شي خل نشوفهم أمش.
أحمـد: مريم .. أمل ... خلود ... امش حمود خل نشوفهم
محمــد: يلا امش امش فوق بـسرعه يا معود.
( دخان يصير بالصاله ويطلع واحد يتمشى بالصالة مو مبين شكله وتلفت ويتنفس بصوت مخنوق )
محمــد: بنات شفيكم صرختوا جذي فيكم شي
أمـــل: أي انا صرخت مريوم لبست قناع نقزتني خفت ليش لي هالدرجة كانت صرختي قويه.
أحمـد: الله يهداج بـس وقفتي قلوبنه من صرختج حرام عليج .
أمـــل: سوري ولله ماكان قصدي أخركم أسفه بس شسوي فيني خوف شوي ومريوم خرعتني.
أحمـد: الله يهداج مريم شسويتي فينا يا بنت الحلال.
مـريــم: شنو كنت أتغشمر شفيكم عاد مو تقلبونها صج عاد خلاص.
محمــد: يلا يبا حصل خير بـس لا تسون جذي ثاني مره توقفون قلبونه عليكم ليكون صار فيكم شي الله لا يقول حرام عليكم بـس وبعدين تعالو خلود وينها ماشوفها.
مـريــم: خلود بالغرفه الي يمنا عاجبها السرير منسدحة جنها عيوزه مالها خلق تقوم تتحرك روحلها.
محمــد: أوكي رايح أناديها.
أحمـد: زين بنات مو يواعه انتو ولا شنو يعني بنظل على لحم بطونه
أمـــل: لا ولله يواعه اكيد حبيبي بـس منو بيطبخ انا وحده تعبانه ومالي خلق اسوي شي بالمره.
أمـــل: أي ولله احنه تعابه انتو طبخو عفيه حبايبي انتو
أحمـد: لا ولله مريحين وتعابه ها صج عياره انتو الثنتنين قومو يلا خل ننزل ونشوف منو يطبخ يلا نزلو اشوف جدامي برنسيسات .... حمود خلود احنه تحت يلا تعالو بـسرعه عشان نبي نشوف منو يطبخ.
( بـــــــــالـــــصاله تحت ودخل فهد داخل )
محمــد: ها فهيد خذيت تفاح هههههههههههه.
فـــهــد: أي يالبطيني يبتلك خفت يصير فينا شي ومانيبلك عيونك حارة هاك بـس هاك.
خلــود: خلونا من التفاح انتو انا يوعانه منو بيطبخ الغدى اهئ اهئ حرام عليكم شلون الحين بتوكلونه ولا لا ترى اشتكي عليكم
فـــهــد: بنوكلج يبا لا تاكلينه ......... شرايكم انا عندي راي لكم ليش اليوم ما تقومون ثلاتكم تطبخون لنه شي ناكله وباجر علينا شرايكم.
خلــود: لا ولله أنتو مريحين وحنه نطبخ لكم حبايبي خوش خوش هذى ظلم بهتان
فـــهــد: لالا حبيبتي لا ظلم ولا شي احنه اشتغلنه يلا عليكم الغدى وحنه العشى شرايكم عفيه عالشطار الحلوين.
محمــد: ولله بالنسبه لي انا موافق.
أحمـد: و أنا بعد موافق ..... ها شفيكم موافقين ولالا؟؟
مـريــم , خلــود , أمـــل: اففففف انزين.
أحمـد: دام جذي عيل ........ قومو ليش قاعدين.
أمـــل: زين بنقوم انا وريكم هين.
( يدشون البنات المطبخ ويطبخون الغدى عادي ويتغدون المجموعه طبيعي جنه البيت مافي شي )
مـريــم: ها شرايكم بالاكل عجبكم ولا لا؟؟.
محمــد: لا حلو يعطيكم العافيه ولله تسلم ايدكم يا امورات.
أمـــل: هههههههههه مشكور حمود.
خلــود: فهد ماقلت رايك ولا بـس قاعد تاكل.
فـــهــد: احم احم ... حلو الاكل اكيد ماتشوفيني ناسي كل شي اكل.
محمــد: ها طلعت أنت البطيني مو أنا ها فهيد وتوك تقولي انا البطيني ومادري شنو وشاد حيلك مني خبيتنه خبه.
فـــهــد: كح كح احم احم منو يقول منو يقول الحمد لله شعبت خل اغسل
محمــد: هههههههههههههههه رقع أكثر
فـــهــد: وهقنه بو جسوم جدام الشباب ولله خل اغسل
( وهو يغسل فجأه يشوف المنظره يلقى احد وراه واقف يتلف وراه ماكو أحد )
هاااا .... منو هذى بـسم الله وين اختفى توني شايفه هني كان
( يرد الصالة وهو سرحان ومنصدم )
محمــد: شفي الشاب اللطيف يا جماعه ساكت
خلــود: مادري ولله شفي توه يظحك شفي راد منصدم وساكت الحبيب
أمـــل: مادري خل اشوف هوب فهد الو وينك ؟؟.
مـريــم: اقعد بو لباس هييييييي فهد وين وصلت
فـــهــد: ها بـسم الله شفيكم نقزتوني
أمـــل: هههههههههه طالع شيقول يالحبيب أنت وين سرحان وين وصلت بمنو كنت تفكر منو الي ماخذه عقلك ها أعترف قول قول عادي كلنه ربع محد يفتن قول.
فـــهــد: فاضيه الي شفته توني يخليني افكر حيل.
محمــد: ليش شنو شفت توك قول.
فـــهــد: كنت قاعد اغسل ايدي عادي طبيعي مافي شي فجأه شفت بالمنظره احد وراي التفت ماكو أحد هل يتهيألي ولا صج ولله مالي عارف للحين
أحمـد: شلون شقلت واحد طلع وراك فجأه منو هالواحد.
فـــهــد: ولله مادري بـس بسرعه اختفى وشكله مو مبين.
محمــد: فهد شنو كان لابـس تذكر
فـــهــد: أي اذكر كان لابس اسود جنه ومو مبين ويها عدل وبسرعة أختفه مامداني المحه او اشوف شكله.
محمــد: شقتول اسود بسود
فـــهــد: أي ليش؟؟
محمــد: تقريبا شفته و أنا أنزل الأغراض من السيارة قبل لا ادخل كان واقف فوق بالممر يطالع برى وختفى بـسرعة همن.
فـــهــد: وأنا بعد ثاني مره أشوفه أول مره لمه كنت بالحديقة ونته و أحمد ركضتوا فوق مادري ليش شفته يتمشى ويطالع البيت وبعدين نزل مادري وين .... البيت مالقيتو في سرداب يا جماعه
أحمـد: لا مالقيت فيه سرداب او أي شي يدل على وجود سرداب.
( و في نفس الوقت الخوف يظهر على مدير الشركة و يدور حوار بالشركة)
المدير العام: مادري ولله شنو صار مع الشباب الحيل اهم حين ميتين ماكو ولا خبر ولا شي عنهم.
مساعد المدير: هدي يا طويل العمرنشالله بتوصلنه أخبار عنهم تطمن
( فجأه يوصل فاكس )
ها شوف هذى فاكس وصل خل اشوفه لك.
المدير العام: ها من منو قول بـسرعه.
مساعد المدير: ابشر طال عمرك هذى من الشباب يقولوك أن أهم بخير وسلامه وتوهم خلصوا الغدى ويسلمون عليك وحاليا ماكو شي يديد صار وياهم بـس التيلفون طافي عليهم فجأه طفى من بعد ماكلمتهم أنت.... هذا انت تطمنت عليهم طال عمرك بعد في شي

من صفحة 1 الى 8
يـــــــــــــتــــــــــــــــبــــــــــع


عدل سابقا من قبل @DRAK@ في الإثنين يونيو 02, 2008 6:45 pm عدل 3 مرات

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الإثنين يونيو 02, 2008 6:08 pm

( فاكس ثاني وصل بنفس الوقت )
المدير العام: فاكس ثاني شوفه بـسرعه.
مساعد المدير: هم من الشباب يقولون في شخص طلع لهم 3 مرات اليوم اذا مو اكثر أول مره كان محمد ينزل الاغراض وشافه بالممر من الدريشه وثاني مره فهد شافه وهو بالحديقه يتمشى بالصاله وثالث مره وهو يغسل ايده فجأه طلع وراه وبعدين اختفى وفي كل مره شافوه فيها كان لابس اسود بسود.
المدير العام: شلون من وين طلع لهم هالشخص .
( حيرة على اعضاء مجلس الإدارة و الطاقم الي بالبيت )
أحمـد: الي طلع بالبيت شنو أهو بالظبط انسان ولا شبح.
أمـــل: شلون يكون في واحد سابع ولبيت مهجور من شهور طويلة ولي معروف أن ماكو أحد بالبيت
مـريــم: الله وناسه صار في شي اكشن صار في رعب بالبيت وخيرن.
أمـــل: الحمدلله وشكر شفيج مستانسه.
مـريــم: أحب الرعب أحب الإثارة
محمــد: ولله أنتي بحال و احنه بحال .... الدنيا بدت تظلم يا جماعة ..... منظر الغروب وايد حلو خل نطلع نشوفه.
فـــهــد: يلا نطلع ليش لا.
( يطلعون بره كلهم و يشوفون الشمس وهي تغيب )
خلــود: منظر الغروب حلو وايد.
مـريــم: أي حيل وايد اينن
خلــود: ظهري قام يعورني بروح داخل اريح شوي.
فـــهــد: وين بتروحين خلود خلج ويانا.
خلــود: ولله تعبانه بروح ارتاح شوي فوق .. بس خايفه يطلع لي الي طلع لكم.
فـــهــد: تبين ايي وياج داخل عشان لا تخافين.
خلــود: اوكي عشان اطمن.
مـريــم: أي يبا بتروحون داخل ها أي علينا خشو خشو
أحمـد: خليهم على راحتهم خل يا خذون راحتهم وبعدين كافي توج خوفتي امل وعالكلام الي سمعته شلون ماراح تخاف بالله عليج يا ذكيه.
مـريــم: ماعليك منها عياره خلود رفيجتي من زمان اعرفها عدل تبي تسولف ويه فهد على راحتهم.
محمــد: يبا خلوهم على راحتهم شعليكم منهم.
أمـــل: يما منج مريوم خليهم ياخذون راحتهم شعليج انتي عيارتج ولله تحبين تطفرين الكل
مـريــم: بسم الله شفيكم كليتوني كلكم خلاص بنسكت .... ما يمديني أتكلم اله كليتوني كلكم ولله.
محمــد: حجيه حجيه هوب شتخربطين أنتي.
مـريــم: ماكو شي حرام نتحلطم بعد أي ولله قول حرام بـس قول.
محمــد: بل بل بل كلتني كلتني تحلطمي يبا على راحتج.
فـــهــد: خلود بتروحين ترتاحين فوق ولا نقعد تحت مني بالصاله.
خلــود: مادري كيفك تبيني اقعد وياك مني بقعد تبيني اروح فوق بروح الي يريحك.
فـــهــد: دام جذي عيل خلج خل اروح المطبخ ايب لنا عصير بادر حلو ونقعد ندردش.
خلــود: أوكي مو طول مالي خلق يطلع لي.
( وهي قاعده بالصالة بروحها فجأه يطلع أحد وراها يطالعها يناديها بصوت مبحوح )
الشخص الغامض: خلود ..... خلود
خلــود: منو ؟؟ منو ينادي.
الشخص الغامض: خلود ..... خلود
خلــود: منو !!! منو أنت.
( تلتفت تشوف فهد يصعد الدري رايح الطابق الثاني تنادي وفجأه )
خلــود: فهد وين رايح فهد توك قتلي بتروح المطبخ.
فـــهــد: خلود شفيج تناديني كاني بالمطبخ انا مو فوق.
خلــود: لا بـس انا توني شايفتك صاعد فوق جدام عيني.
فـــهــد: شنو لا يبا لا صعدت فوق ولا شي قاعد بالمطبخ اسوي العصير وحضره ويبه لج.
خلــود: ولله توني شايفتك صاعد فوق شفيك.
فـــهــد: يمكن تتخيلين يا بنت الحلال.
خلــود: ماتخيل أنت توك ناديتني وصعدت فوق.
فـــهــد: أنا ما ناديتج جدامج دخلت المطبخ شلون بيي من وراج وصعد الدري بالله فهميني يمكن واحد من الشباب يبي يسوي فيج مقلب يا معود.
خلــود: لا الباب ماتبطل.
فـــهــد: ها كاهم دشو خل نسألهم أحمد حمود في واحد فيكم صعد فوق توه وخرع خلود تقول في أني انا ناديتها وصعدت الدري فوق و أنا كنت بالمطبخ.
محمــد: لا توني داش انا ما ناديت أحد ولا صعدت فوق.
أحمـد: و أنا بعد توني ادخل.
فـــهــد: عيل اكيد وحده منكم يا مريومه او امول منو فيكم سوت هالمقلب.
مـريــم: ولا وحده فينا كنه برى مع أحمد ومحمد شفيك.
خلــود: عيل منو الي صعد جدامي الدري وناداني.
أحمـد: لحظه أذكر أن المدير قالي في كاميرات حاطينها لنا مني خل ندورها ونتأكد بالتسجيل منو مسوي هالحركة.
فـــهــد: خوش حل يلا خل ندور كلنا.
( 5 دقايق يفتشون على الكاميرات ولقوهم )
أمـــل: لقيت أنا وحده فوق الدري كاهي.
فـــهــد: و أنا لقيت عند باب هالغرفة.
مـريــم: وهذي الثالثه هذيل الي موجودين بالصالة خل نحطهم على التلفزيون كل وحده منهم ونشوف.
أحمـد: حمود وصلها عالتلفزيون أنت تعرف أكثر مني هاك.
محمــد: أوكي .... وصلتها خلصت ولحين قعدو خلونا نشوف ..... هذي الكاميرا الأولي وشغلناها من أول ما وصلنه.
أحمـد: لحد الحين الوضع طبيعي 100%.
فـــهــد: مني أنا طلعت برى و محمد دخل داخل عندك.
محمــد: وهني لمه صرخت أمل وصعدنه فوق ماكو شي صار.
أمـــل: كاه دشيت أنت و خلود ورحت المطبخ ماكو شي طبيعي مابين شي بالكاميرا الأولى ولا الي لابـس اسود بسود الي قلتو عنه.
فـــهــد: خل نحط الكاميرا الثانيه نشوف .... للحين الوضع طبيعي بالثانية شيلها شيلها يا معود.
محمــد: ها نقطع التسجيل صار مشوش ليش؟؟.
أمـــل: شغل الكاميرا الثالثه خل نشوف يمكن فيها الي نقطع.
أحمـد: أنا بشغلها الثالثة .... ها شنو هذى الي صار ضباب عالكاميرا.
أمـــل: منو الي قاعد يتحرك بالنص.
محمــد: هذى أهو الي شفته نفس الي طلع لك صح فهد.
فـــهــد: أي عدل هذى أهو ولحين لقطه لمه دشيت المطبخ خل نشوف.
خلــود: شوفوا عدل كاهو فهد صعد الدري فوق الطابق الثاني.
فـــهــد: وبنفس الوقت طلعت من المطبخ شفتي ولالا.
أحمـد: هااا؟؟ شلون جذي صار اذا مو انت ولا انا ولا محمد ولا امل ولا مريم عيل منو في واحد سابع بينا يا جماعه.
( ساكتين كلهم يطالعون بعض بخوف وقلق وبنفس الوقت في احداث غريب تصير بالشركة )
مساعد المدير: طال عمرك شفيك ساكت من أول ما وصلنه أخر فاكس من الشباب ونت مو على بعضك اشوفك تفكر وتحاتي وايد في شي وحنه مانعرفة او الشباب مايدرون عنه وودك تقولهم اياه ادزه لهم فاكس او اروحلهم البيت وقولهم ويبلك الأخبار؟
المدير العام: ها لا ماكو شي بس الحين ظلمت الدنيا و أنا منشغل فيهم ونت تدري شنو السوالف الي سمعناها عن البيت لمه تظلم الدنيا و أول مره نسمع عن الشخص الي لابس اسود بسود وطلع لهم 3 مرات وذا مو أكثر الله يستر بس لا يصير فيهم شي .... اذا أنت تعبان خلاص روح البيت أنت ارتاح.
مساعد المدير: لا انا عادي اقعد وياك ولا تحب اخليك بروحك.
المدير العام: الظاهر جذي ابي اقعد بروحي شوي أنت روح مكتبك وخذلك فره على الموظفين وذا في شي انا بناديك لا تحاتي.
مساعد المدير: نشالله طال عمرك أستأذن أنا.
المدير العام: أذنك معاك.
( يقعد على الكرسي المدير ويفكر بينه وبين نفسه )
المدير العام: ايه الحين ظلمت عليهم الدنيا بالبيت شنو بيسون وخطر وقت يكون بالليل وخصوصا في هالبيت .... وسر الي خاشه في قلبي طول هالمده للحين محد يعرف عنه شي ... ولي طلع لهم آآه يا خوفي منه لا يسوي فيهم شي ..... هذى وحش ما يعرف الرحمة .
( يطلع صورة من مخباته ويطالع فيها )
المدير العام: ايام هالصوره ولها ذكريات حلوه لو ترد بس هالايام وصلح كل شي صار غلط ماني قادر أتحمل أكثر.
( يظلم المكتب ويشب نور خفيف ويطلع شخص غريب بالمكتب )
المدير العام: ها ........ أنت شتبي وشلون دخلت هني.
الشخص الغامض: وايد لها ذكريات هالصوره عندك يا حضرت المدير صح ولا أنا غلطان ... وبعدين نسيت أني ماني إنسان ادخل من أي مكان أنا ابيه بدون لا لا استأذن يا جنابة المدير العام.
المدير العام: أنت شتبي مني مو كافي الي سويته شتبي مني بعد كل هالفتره شلي ذكرك فيني.
الشخص الغامض: الي ذكرني فيك .... هه هههههههههههااا على بالك مادري أن الي دازهم البيت يستكشوفنه من طرفك ونهم طلبتك يا استاذ يا كبير على بالك بترتاح لمه تنحاش مني وتغير كل شي ومستنداتك نسيت أني أعرفك عدل.
المدير العام: أنت شنو من وين طلعت لي وشنو سويت فيهم تكلم قول.
الشخص الغامض: للحين مابديت اللعبة أنا ولحلوين الي أنت دازهم أهم أساس اللعبة وللاسف أنك أنت داخل اللعبة وتوها بدت لعبتي وياهم ولعنة المنزل بتحل عليك وعليهم هههههههههههههههههههههههههههههههههههههههههههههههههاااااي.
( يختفي من المكتب فجأه ويقعد المدير على الكرسي و اهو مصدوم )
المدير العام: لا مستحيل الي سمعته مستحيل يكون أهو بعد كل هالفتره مو معقولة يكون أهو الي طلع لهم بالبيت .. هذى يدل على أن الشباب ولبنات في خطر لازم أنبهم وقولهن شلون يتخلصون منه.
( يدق تليفون لكن يطلع له صوت يقوله )
الشخص الغامض: نسيت يا شاطر أن بالليل أكون انا الي أتحكم في كل شي وتواصل بالاجهزه المطوره بينك وبينهم ممنوع لا تعب روحك هههههههههه.
المدير العام: حقير حقير لاااااا.
مساعد المدير: شفيك حضرت المدير في شي صاير صوتك واصل لي مكتبي؟؟ في شي صاير؟؟.
المدير العام: لا ماكو شي بـس .... بـس تعبان شوي بروح البيت اريح قول حق السايق يزهب سيارتي الخاصة بـسرعة.
مساعد المدير: تبي السايق يوصلك طال عمرك؟.
المدير العام: لا ابي اكون بروحي مابـي احد معاي.
مساعد المدير: بس شكلك تعبان مو زين في هالحاله نخليك بروحك.
المدير العام: مافيني شي خلاص خل يزهبها ولحين انا نازل.
( بعد صمت وتفكير طويل جدا جدا )
مساعد المدير: السياره زاهبه طال عمرك.
المدير العام: اوكي يلا انا ماشي ..... معقولة الي صار اليوم يرد يطلع لي بعد هالمده الطويلة هذي اروح البيت ولا اروح اطمن على الشباب .... بس دام يقول للحين مابدت اللعبة معنات كلامه أنهم بخير الحمدلله خل ارد البيت اريح.
( الشباب في خوف وقلق بالبيت وحيرة )
أمـــل: أنا حاسة بخوف وتوتر ماني قادرة أنام ونتي؟
خلــود: هم أنا متوترة وشاغل بالي الي طلع بالفيديو اول تسجيلين ماشفناه فيهم شلون بالثلاث طلع شي يحير اله مريوم وينها صج ماشوفها بالفراش راحت مكان وحنه ماندري.؟
أمـــل: مريومه تحت مع الشباب يعيدون بالكاميرات للحين مو قادر يدخل بالهم الي شافوه بالتصوير.
خلــود:هالبنت تحب تطلع روح الشي الي تشوفه ماشالله عليها انا بنزل لهم تحت اوكي.
أمـــل: زين مو طولين تخلوني فوق بروحي.
خلــود: زين يلا خل اروحلهم.
( نزلت لهم خلود تحت وهم يشوفون التسجيل )
خلــود: مابتنامون ولا شنو؟؟.
أحمـد: شلون النام بعد الي شفناه توه محنه مصدقين.
خلــود: أحمد شفيكم منصدمين فهد محمد مريومه شفيكم ... تكلمو ترى وترتوني ولله.
فـــهــد: مانقدر نقول شي خير شوفي التسجيلات مره ثاني وتعرفين.
خلــود: في شي صاير احداث يديده.
محمــد: التسجيلات كل شوي تتغير شوفي شلون.
خلــود: شغلو وروني شلون ... هئئئئئئئئئئئئئئئئئئئئئ شلون جذي مستحيل متى صار كل هذى؟؟.
( صوت صرخة قويه من الطابق الثاني بغرفة البنات )
محمــد: شنو هذى منو فوق؟؟؟.
خلــود: أمل أمل فوق ليكون صار فيها شي.
محمــد: أمل وين أي غرفة أمل أمل امشو خل نشوفها بسرعه.
فـــهــد: يلا بـسرعه أحمد بنات نطرونا مني لا تتحركون.
أحمـد: أمل أمل وينج أمل مالها أثر بالدار كلش.
فـــهــد: أحمد شوف هذى
( يطالعون كلهم هالشي ومنصدمين ويطلعون برى الدار ويروحون الصاله ويشوفون البنات في ويهم )
خلــود: ها وين أمل ... فهد أحمد محمد تكلمو وين أمل؟؟.
مـريــم: شباب شفيكم اموله وين تكلمو لا تطالعون جذي.
فـــهــد: أمل .... أمل يا خلود أمل يا مريم ......... مادري شقول خلو محمد يقولكم.
مـريــم: محمد تكلم أمل شفيها لا تخرعونا وايد أحمد قول ولي يرحم والديكم تكفون تكلمو لا تخلونه أنحاتي وايد قولو يا شباب حسو تكلمو
أحمـد: أنا أقولكم.
( يقولهم الي صار وينصدمون و يدزون فاكس حق المدير العام )
المدير العام: شلون شلون صار جذي شلون اختفت أمل جذي مره وحده شلي صار يا مساعد المدير تكلم قولي فهمني شلون صار جذي مو معقوله تختفي بلحظه ودقيقة.
مساعد المدير: ولله انا علمي علمك استلمت الفاكس توني ودقيت عليك قتلك بالي صار ولحين الناس بنص الليل الساعه 2 ونص بالليل شنو بنسوي هالحزه.
المدير العام: زين ما طلع لهم أحد سابق انذار شي؟؟.
مساعد المدير: كاتبين بالفاكس أن التسجيلات تغيرت من الصبح لي الحين الصبح كان تسجيل غير وبالليل شافو بالفيديو ناس وياهم مسويه حفله وهم ماشافو شي جدامهم خير شر ..... لحظه هذى فاكس ثاني وصل مو معقول شنو الي مكتوب.
المدير العام: قول شنو مكتوب بـسرعه يالبارد.
مساعد المدير: يقول الفاكس يا فلان هذي بداية اللعبة و هذي أول ضحاية و لعنة المنزل حلت على طلبتك ونت التالي.
المدير العام: شلون!!!!!.
مساعد المدير: الو الو ..... حضرت المدير العام الو....وين رحت الو؟؟.
المدير العام: نذل خسيس بدت لعبة القذرة بداها في هالمسكينه
( قاعد يفكر وسرحان ومتنرفز وفجأه من غير ما يدري )
الشخص الغامض: هههههههه وصلت لك رسالتي يا جنابة المدير العام.
المدير العام: أنت .... شسويت بالبنية يا خسيس؟؟.
الشخص الغامض: ههههههههههههههههههههههههههههههههههه أنا خسيس يا حضرة المدير العام المحترم يا أستاذ.
المدير العام: محترم غصبن عليك قولي شسويت بالبنت؟؟؟.
الشخص الغامض: ههههههههههههه وايد محترم نسيت فعايلك القديمة وملفك الأسود ... تبي أذكرك في ماضيك.
المدير العام: لا تستفزني أكثر قولي شنو سويت في هالمسكينة هذي الي
أهلها ماعندهم غيرها؟؟؟.
الشخص الغامض: وايد عزيزة عليك هالبنت اهي بمكان محد يعرفه غيري و أنت بـس.
المدير العام: بس شنو شنو بتقول قبل لا ابلغ الشباب يطلعونها ودليهم المكان.
الشخص الغامض: هههههههههه ماراح يمديك يا شاطر لان الخطوط مقطوعه الحين دام ان الليل.
المدير العام: ولا تنسى أن الحين بتطلع الشمس وكل شي بيرد طبيعي و أنك لازم تروح من هني قبل الشمس لا تطلع.
الشخص الغامض: لا مانسيت بروح لكن مو بروحي بروح و أنت معاي ههههههههههههههههههههههههههههههههاي.
المدير العام: وخر عني لا تقرب انا أنبهك وخر.
( ختفى المدير العام و وصل الخبر للمساعد )
مساعد المدير: شلون صار هذى ونتو وينكم وين كنتو يا السكيورتي ينخطف المدير من داخل غرفته ونتو واقفين على الباب و ماحسيتو وبولى شي.
السكيورتي: ولله ماحسينه بشي بس شفنه احد ورانا اله ورش علينا شي وطحنه غشيانين مره وحده.
مساعد المدير: شنو هالكلام شلون تبون تفهموني هالكلام ما يدش مخي يعني يني الي يالكم ولا شبح.
السكيورتي: ولله ماندري مالنا شغل بشي صدقنه.
مساعد المدير: ما يمشي عندي هالكلام فاهمين ولحين المباحث الجنائية ياين يحققون في الموضوع وما ظن بيصدقونكم يا شطار شلون بتفسرولهم الكلام؟؟.
السكيورتي: ليش الشرطة مالها داعي.
مساعد المدير: شلون مالها داعي مدير شركة عام وشركة كبيرة ولها صيت ويختفي بغمضة عين ومن شقته وداخل غرفته وماتبون نبلغ الشرطة والله اعلم اهو وين الحين وشصار فيه امشو من جدامي امشو يلا.
( حيرة على مساعد المدير وقلق و وصلت الشرطة و المباحث الجنائية حق مكان الحادث )
ظابط المباحث: أي ستاذي قولي شنو صار بالتفصيل من طلع من المكتب ولمه كلمته بالتيلفون على حسب كلامك.

من صفحة 9 الى صفحة 16

يـــــــــــــــتــــــــــــبع

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الإثنين يونيو 02, 2008 6:10 pm

مساعد المدير: اول شي كنه قاعدين ننطر فاكس من الشباب وحنه بالشركة ووصلنه الفاكس وتطمن بعدها لمه قرينا كلام يخوف حيل مثل التهديد وعن شخص غريب يطلع لهم بالبيت وفجأه تغير لون ويه المدير وتعب وطلب مني إني أخليه بروحه بالمكتب ورحت.
ظابط المباحث: زين كمل وبعدين.
مساعد المدير: بعدين فجأه سمعت يصرخ بصوت عالي وجنه يكلم أحد ولمه دخلت عليه بالمكتب مالقيت أحد لقيته قاعد على كرسيه ومصدوم وما قالي ولا شي وبعدها طلب مني إني اقول للسايق مال الشركة يزهب سيارة الخاصه ورفض أن أي احد منه يكون وياه بالسياره قالي انا ابي اروح بروحي مابـي احد معاي ابي ارتاح شوي وكون بعيد عن الشغل وراح البيت.
ظابط المباحث: هذى الكلام الساعه 12 بالليل؟؟.
مساعد المدير: أي نعم.
ظابط المباحث: زين ونتو لمه وصل المدير عند باب شقته شلون كان شكله وصحته لمه شفتوه؟؟.
السكيورتي: كان جنه في حالة صدمه قويه ويهلوس و ماكان على طبيعته ولمه سألناه شنو يحب يتعشى قالنه مابـي شي ولحد يطق علي الباب و على الساعه 2 طلب تيلفونه الخاص وفصل المراقبة عن التيلفون و أن محد يرفع السماعه ونوقف تسجيل المكالمات.
ظابط المباحث: ليش على منو دق أهو الساعه 2 الي ما يبي أحد يسمع المكالمات؟؟.
مساعد المدير: كان داق علي بموضوع الشباب ويسأل اذا وصلنه منهم فاكس ثاني ولالا ... و أنا أكلمه على الساعه 2 ونص وصلنه فاكس قريته له وكان يبث الرعب ولخوف ومده زمنية بسطيه وصل فاكس ثاني وكان مكتوب فيه رسالة تهديد له مو عارفين من وين ... ولمه قريتله الرسالة سكت مره وحدة اناديه مايرد علي وفجأه تصكر الخط ومادري شلي صار بعدها.
ظابط المباحث: أنتو عارفين شلي صار ولا مو عارفين؟؟.
السكيورتي: أحنه كنه واقفين عند الباب فجأه طفت الليتات و ماحسينه اله شخص غريب ورانا طلع وكان مغطي ويها وكل شي في بعباية سوده طويلة ويتنفس بصعوبة نفخ علينا شي بعدها فقدنه الوعي وما صحينه اله ولمدير مو موجود .... حتى حارسة الشخصي مالقيناة.
الشرطي: سيدي ... في جثه مني متشوها بشكل بشع.
( الكل انصدم من الكلام الي سمعوه ولمه شافو الجثة طلعت جثت الحارس الشخصي وكانت مصارينه برى وعيونه كلها دم وقلبه طايح يمه ومكتوب رسالة على الطوفه تبث الرعب ولخوف بشكل كبير )
ظابط المباحث: غطو الجثه لحد يشوفها وودوها حق قسم التشريح خل يشوفونها ويشرحونها لنا ولحد يلمسها غير المختصين صار معلوم ... ونتو الأثنين ما خلص التحقيق وياكم راجعوني الحين المكتب ونته بعد يا مساعد المدير.
مساعد المدير: نشالله بـس ادز فاكس حق الشباب ابلغهم أن المدير مو موجود وقولهم يردون بـسرع وقت.
( الكل بالبيت في حزن وحيرة وقلق من اختفت أمل وقرو الرسالة الي مكتوبة وفجأة وصلهم الفاكس أن المدير أنخطف )
مـريــم: خلود أحمد محمد فهد لحقو بـسرعة أقرو الي مكتوب بالفاكس.
فـــهــد: خير شفيج شصار شفي الفاكس وريني ... ها لا مو معقول أمل ولمدير بيوم واحد أختفو.
محمــد: مو معقول شلي قاعد يصير من دشينه هالبيت وحنه مو مترقعين أمل أختفت و لمدير العام ليش نخطف شنو سبب.
أحمـد: تعتقدون منو ورى هالسوالف كلها؟؟ منو الي له مصلحه يرعبنه جذي؟؟.
خلــود: تتوقعون الي طلع لنه بالبيت بين فتره وفتره.
مـريــم: هه وشنو مصلحته أهو أن يطلع يسوي فينا جذي أحنه ما أذيناه ولا شي.
فـــهــد: ولله ما يندره يا مريم كل شي جايز أخذو الحذر الليلة شكله مهي طايفة على خير بالمره وعلى حسب الي مكتوب أن ظابط المباحث ومساعد المدير يبون ايون البيت عشان يشوفون الرسالة الي مكتوبه عندنه اذا كانت نفس طريقة الرسالة الي لقوه لمه لقو جثة الحارس الشخصي للمدير العام.
محمــد: الله يستر بـس من الساعات اليايه خلونا يم بعض لا نروح مكان مانبي أحد ينفقد بينه خلونا نكون على قلب واحد.
( يطلع الشخص الغامض فوق ويطالعهم ويقول بينه وبين نفسه )
الشخص الغامض: ههههههههه .... توها اللعبة ابتدت معاكم لكن مساعد المدير و ظابط المباحث دخلو روحهم باللعبة وتوهقو الأبطال هههههههههههه ... نشوف شلون راح يوصلون.
محمــد: يا جماعه انا بروح تكرمون الحمام شوي بقضي حاجه و ارد انتو لا تتحركون خلكم عشان لا اقعد احاتي.
أحمـد: ناطرينك لا طول دير بالك.
( يدخل الحمام ويخلص شغله و يغسل ايده ولكن قبل مايطلع صار شي غريب انحكر بالحمام )
محمــد: ها شصار شفي الباب ما يتبطل أنت مره ثانية شتبي منه.
الشخص الغامض: وصل حق ربعك هالرساله
( يقرب منه ويخنقه )
الشخص الغامض: محد راح يقدر ينقذكم ولعبة توها بتدت ولعنة المنزل حلت عليكم وعلى مديركم ومساعده وظابطكم.
( يحذفه برى الحمام ويختفي فجأه )
محمــد: آآآآخ.
أحمـد: هااا شصار محمد امس فهد خل نشوفه بسرعه....حمود شفيك ليش ويهك اصفر؟؟.
محمــد: ماكو شي بس زلقت وتعبت شوي.
فـــهــد: كلامك مو صج أنت خاش شي قول شنو أهو؟؟.
محمــد: لا لا ماكو شي خلاص امشو حق البنات تحت بسرعة.
( يطالعهم وهو معصب وحاقد و يقول )
الشخص الغامض: صبركم علي انا لكم انا لكم.
( بعد التحقيق الي صار بالمخفر على الساعه 3 العصر )
ظابط المباحث: يلا قوم نبي نروح البيت الي في الطاقم التحري الي دزيتو أنتو.
مساعد المدير: أي بـس هالحزه ماراح نوصل اله بالليل وخطر المكان بالليل على حسب الكلام الي سمعناه عنه ولي عرفناه.
ظابط المباحث: هه ونت مصدق بعد انا ما صدق هالخدع هذي قوم يلا معاي خلنا نمشي لا يروح علينا الوقت قوم.
مساعد المدير: الي تبي يا حضرت الظابط يلا مشينا.
محمــد: مو جنه الظابط ولمساعد تأخرو وايد؟؟.
فـــهــد: تلاقيهم بالطريج ياين ليش مستعيل أنت؟؟.
مـريــم: ماتبون تاكلون شباب مو يواعه زهبت لكم الغدى قومو عشان خاطري ولا تخلوني ازعل؟؟.
خلــود: يلا ترى يوعانه عفية.
أحمـد: كانه ياين يالبطينيه هههههههههه كلش ولا زعل مريومه الدلوعه.
مـريــم: أحم أحم عبالي بعد يلا قومو جدامي اشوف لا ما اوكلكم.
( وهم يتغدون فجأه طلع لهم دخان من كل مكان وختفى الأكل )
مـريــم: شنو هذى شنو هالدخان؟؟.
أحمـد: كح كح في شي يحترق؟؟.
فـــهــد: لا شوفو منو هذيل من وين قامو يطلعون؟؟.
( قامو يطلعون لهم من تحت الأرض اشخاص ميتين ومن وراهم ولي طالع و مصارينه بينه ولي ويها مشوه )
خلــود: شنو هذيل منو وين طلعولنا شوفو فوق.
( طلع لهم فوق الشخص الغامض ويطلع لهم الاشخاص الميتين )
فـــهــد: هذى أهو شسالفه شصاير.
الشخص الغامض: آآآآآ ..... هذي رسالتي لكم وحلت عليكم لعنة المنزل.
أحمـد: محمد ديرو بالكم لا يقربون منكم خلونا نطلع من البيت.
( طلعو بالحديقة ولا يطلع لهم )
الشخص الغامض: وين تنحاش مني هاهاهاها
( فجأه كل شي اختفى ورد الوضع طبيعي )
خلــود: شنو الي توه صار حلم ولا علم.
فـــهــد: شي عجيب غريب شلون طلعو من تحت الأرض.
أحمـد: انا بروح اشوف يمكن اوصلو الظابط ويه مساعد المدير.
فـــهــد: أخذ البنات وياك احسن انا بيب الاغراض من داخل.
أحمـد: أوكي يلا امشو معاي و فهد ومحمد طلعو الاغراض
محمــد: انا بروح فوق أيب الأغراض ونت طلع الي بالغرف تحت.
فـــهــد: أوكي ماعليك روح يلا لا نتأخر.
( قاعد فهد يلم الأغراض فجأه يسمع صوت وحده تناديه )
صوت غريب: فهد ..... فهد ساعدني فهد
فـــهــد: منو أمل منو ينادي
صوت غريب: ساعدني يا فهد ساعدني
فـــهــد: شلون وينج أنتي
صوت غريب: كاني تعال الحق الصوت.
فـــهــد: وين ما شوف شي.
صوت غريب: تحت تحت هالباب.
فـــهــد: ها باب شنو هالباب.
( بطل الباب ولا يشوف ناس يرقصون وفجأه يتصكر الباب )
أحمـد: شنو هلي صار شنو هالحريجة الي شابة خل نشوف بـسرعة.
مـريــم: أحمد هذي سيارة تحترق.
أحمـد: خل نشوف منو ..... ها لا مساعد المدير وظابط جثتهم محترقه ومشوها.
خلــود: يعني شلون مالنه طلعة من هالمكان .... زين خل نرد البيت حق محمد وفهد.
الشخص الغامض: اذا لحقتو عليهم اصلن ههههههههاي.
أحمـد: أنت شنو سويت فيهم.
( الغابة ظلام ولا يطلع لهم أموات يلحقونهم )
أحمـد: خلود وين مريم مريم مريـــــــــــــــــــــــم.
خلــود: الظاهر أن خذوها او صار فيها شي خل ندخل البيت بـسرعه كاهم ورانا.
( دخلو البيت ولا يطلع لهم واحد مثل فهد بـس شكله يخرع )
خلــود: آآآآ فهد شفيك شنو صار فيك
أحمـد: لا مو فهد هذى وخري يا خلود وخري خلود خلود ديري بالج لا طيحين خلود.
الشخص الغامض: كلهم راحو ما بقيت اله أنت بروحك
ههههههههههههههههههههههههههههههههههههههاي.
( فجأة يختفي فهد و الشخص الغامض )
من صفحة 17 الى 23

الــــــــــــــــــــــــــنــــــــــــــــــهــــــــــــايــــــــــــــة

أنتطرونا في الـــــــــــجــــــــــزء الثاني

تـــــــــــــــحــــــــــــيـــــــــــاتــــــــي
AL-mulla


عدل سابقا من قبل @DRAK@ في الإثنين يونيو 02, 2008 6:41 pm عدل 1 مرات

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف الثلاثي المرح في الإثنين يونيو 02, 2008 6:19 pm

تصلح يا عشوق

مؤلف ومخرج

وانا الحين راح اقرا القصة

وبانتظار الجزء الثاني
avatar
الثلاثي المرح
Admin
Admin

عدد الرسائل : 194
رقم العضويه : 2
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الإثنين يونيو 02, 2008 6:42 pm

هههههههههههههههههههههه
حبيب قلبي حياك اقرى براحتك بـس يبيله جو وقعده لانها بتعقدك شوي

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الثلاثاء يونيو 03, 2008 6:48 pm

يلا وين ردودكم منزلها حق روحي انا؟

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف *CraZy_BoY* في الثلاثاء يونيو 03, 2008 8:57 pm

تسلم حبي علىى القصه الرائعه عيوني قاعد تعورني وانا اقرى
تقبلو مروري اخوكم: .Exclamation. CraZy_BoY.Exclamation.
avatar
*CraZy_BoY*
مغني Rap

ذكر عدد الرسائل : 16
العمر : 24
العمل/الترفيه : الراب,الطلعه,الفصله
المزاج : مينون
رقم العضويه : 40
تاريخ التسجيل : 15/05/2008

معاينة صفحة البيانات الشخصي للعضو http://www.rap3rby.net

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف DoT S في الثلاثاء يونيو 03, 2008 9:32 pm

تسلم ايدك حبيبي

DoT S
مغني Rap

ذكر عدد الرسائل : 26
العمر : 27
العمل/الترفيه : طالب
المزاج : فـصـلـه
رقم العضويه : 55
الدولة :
الجنس :
تاريخ التسجيل : 30/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الثلاثاء يونيو 03, 2008 9:35 pm

فديييتكم يسلمكم ربي ولي ماقرى ابي يقراها كله ويعطيني رايه ابي بصراحه مو مجامله

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف J.D في الخميس يونيو 05, 2008 5:10 pm

دراك والله حلوه القصه ويلا ناطرين الجزء الثاني

_________________
avatar
J.D
نائب المدير العام

ذكر عدد الرسائل : 90
العمر : 26
العمل/الترفيه : طالب
المزاج : رومانسي
رقم العضويه : 15
الأوسمة :
تاريخ التسجيل : 11/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الجمعة يونيو 06, 2008 9:28 pm

حبيب تسلم نشالله اول ماخلصه بنزله لكم

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف Bo_3aAli في الجمعة يونيو 06, 2008 9:47 pm

ما شاء الله ابداع يا دراك وبالتوفيق باليايه
avatar
Bo_3aAli
Homies جديد

ذكر عدد الرسائل : 1
العمر : 26
العمل/الترفيه : IN THE CLUB
المزاج : full
رقم العضويه : 50
تاريخ التسجيل : 24/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصة الرعب الخيالية لعنة المنزل الجزء الأول

مُساهمة من طرف @DRAK@ في الجمعة يونيو 06, 2008 10:06 pm

نشالله حبيب قلبي وتسلم يالغالي

_________________
اثـــبـــت وجودك بالمنتدى لا تكن مثل الغير
ارتقي في ردودك لــــــكـــــي يرتــــقــي اسلوبك
لاتـــجـــعـــل وجودك كـــــــــــعــــــــــدم وجودك
اجعل لوجودك بصمه يفتقدها الجميع اذا رحلت
اكثر من مواضيعك و وجودك لكي تستحق الاشراف
avatar
@DRAK@
Admin
Admin

ذكر عدد الرسائل : 398
العمر : 28
العمل/الترفيه : مغنى R&B - ممثل - طالب
المزاج : كوووووووووول
رقم العضويه : 1
الأوسمة :
الجنس :
تاريخ التسجيل : 06/04/2008

معاينة صفحة البيانات الشخصي للعضو http://homiesgroup.mam9.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى